極推介的美食在旺中帶靜的酒吧 - Sonder

今次有驚喜...驚喜在於在鬧市中的酒吧可以品嚐到避風塘系列...而且仲要好高質！！

介紹一下個尖沙咀發現的新地方，酒吧有露天座位，座位仲要好舒服！對於喜歡天然感覺的我真係無得輸！

而露天座位也有大枱和細枱，大家在這裡，一方面可以感受鬧市的熱鬧，但同時身處在清靜的環境，是另一種新天地的感覺。

Sonder上方已經沒有其他露台，可以放心不會有高空擲物~~哈哈！

打開餐牌，坦白講，有點出乎意料地價錢可以咁貼地~~哈哈！我一般都認為酒吧是很貴的~~
我這次點了避風塘軟殼蟹，還有烤豬手，最後加了一個卡邦尼闊條麵~~~

烤豬手先到步，原隻豬手的份量，有一直追開小M食評的朋友都知道，只要有烤豬手，我是必叫的，因為是功夫菜~~甚麼是功夫菜，就是時間控制，火侯，調味等都是需要廚師的功力和經驗才能成果的菜色~~~

這個烤豬手做到外脆爽，而中間的脂肪除了吸收了豬手的鹹香味外，還與豬手肉做成一軟一硬的口感，這個口感真的是大師傅才可以做到！

避風塘軟殼蟹到了~~啊！D蒜爆得好爽口！辣味平衡而不會過激！最重要係吃下軟殼蟹時，竟然仲有少少汁係度....我初時以為爆完應該好乾身，點知唔係！

在吃軟殼蟹時，D炸蒜不停從軟殼蟹掉下，霹靂啪嘞D聲好似爆谷咁~~好正！

(後來得知原來廚師係某橋XX蟹過來的~~小M太有幸了！)

最後這個卡邦尼闊條麵我誠意推介俾女士們~~因為不似其他的卡邦尼好多cream，這個非常少Cream的感覺，但又有足夠的調味！

事後我才得知~這裡有幾個包廂，真係可以開party用！而且每個包廂都是有獨立的露台，可以party room內唱K！真係聚會生日一流，而且一個價錢可以任飲！仲可以order BBQ有師傅幫忙燒！

食到尾仲有意外驚喜，有得睇幻彩詠香江！！係尖沙咀呢個地方真係正到爆！無得輸的！

Sonder 

尖沙咀加拿芬道25-31號（河內道） Bcc build., 14/F全層

（MTR N2出口）

 (VIP K房 連有 BBQ專人代燒，日本標機，美國至潮遊戲Beer Pong枱 )

web： www.Sonder.com.hk

__________________________________________________

FB: https://www.facebook.com/blogger.l.ming/

blog: http://mingproduce.blogspot.hk/

IG: www.instagram.com/ming.pa/

Girls女生日常: https://pretty.presslogic.com/author/ming-pa

UBlog：https://blog.ulifestyle.com.hk/blogger/mingproduce/

Openrice: Ming L. (level 4)

L.Ming 吃喝玩樂的日記

明太子的生活記事本

DNA production

Shda福爾摩斯偵探學堂